Realistlista er ei partipolitisk uavhengig liste, og me er ei rasjonell og objektiv stemme på studentparlamentet. Problemstillingar møtast konstruktivt og med handlingskraft, som skal sørgje for raske løysningar på problemet.
Vi er opptekne av kunnskapspolitikken ved Universitetet i Bergen og ønskjer høgare pedagogiske krav til undervisarar, relevant praksis, meir bruk av læringsfremmande tilbakemelding og riktig digitalisering. Realistlista vil arbeide for betre læringsareal, i form av betre stolar, luftkvalitet og opningstider. Vi ønsker større fokus på læringsmiljø og velferd ved Universitetet i Bergen.
Pandemien har hatt ei sterk negativ effekt på studentar si psykisk helse og velferd. Realistlista ønskjer at psykologtilbodet til Saman skal vere meir synleg og at ventetida skal vere kortare. Saman bør også informere godt om andre tenester innan psykisk helse enn deira eigne, og bidra til å sette studentar i kontakt med dei.
Realistlista meiner også at det er viktig å legge til rette for at studentorganisasjonar har moglegheit til å arrangere sosiale arrangement som er lette å delta på. Dette vil særleg vere nyttig for studentar som har hatt heile eller store delar av studietida si under pandemien.
Valdeltakinga ved universitetet har vore flaut låg. Realistlista vil arbeide for å bryte ned barrieren mellom studentdemokratiet og studentane. Dette inneberer betre informasjonsflyt frå parlamentet og studentane, å vere meir synleg på campus og å involvera studentane aktivt i studentdemokratiet.
Realistlista har som mål å sette studentane sine behov i fokus, og å finne raske og gode løysningar på dei problema som kjem fram.